Аҧсны Аҳәынҭқарра амилаҭтә акзаара ахеидкыла аҧҵареи аҧхьаҟатәи аусеицзуреи рзы рнапы аҵарыҩуеит, Аҧсны Ареспубликатә Акомунисттә партиа, Аҧсны Ареспубликатә политикатә партиа “Аҧсны Акзаара”, Аҧсны аекономика аҿиаразы апартиа, Аҧсны Жәлар рпартиа, Афганистан аибашьра аветеранцәа рхеидкыла, Жәларбжьаратәи аусеицзуратә фонд.
Аҧхьаҟатәи аҿиареи апартиабжьаратә усеицзуратә еимадарақәа хықәкы хадас ишьҭыхны Аҧсны Ареспубликатә Акамунисттә партиа, Аҧсны Ареспубликатә политикатә партиа “Аҧсны Акзаара”, Аҧсны аекономика аҿиаразы апартиа, Аҧсны Жәлар рпартиа, Афганистан аибашьра аветеранцәа рхеидкыла, Жәларбжьаратәи аусеицзуратә фонд аганқәа ақәшаҳаҭхеит, жәлар ракзаара аиҿкаареи амилаҭқәа ринтересқәа рыхьчареи, иахьатәи акризис алҵразы аполитикатәи аекономикатәи ахырхарҭақәа рыла ишьақәгылоу Асовет аҧҵара, уи шьақәгылоуп:


1.Иаҧҵазарц Ареспублика Аҧсны амилаҭ хеидкыла Асовет.
2. Ареспублика Аҧсны амилаҭ хеидкыла Асовет иалаларц рылшоит, агәаҳәара змоу Аҧсны аполитикатә партиақәеи, ауаажәларратә хеидкылақәеи, Аҧсны азакәан ҧҟаррақәа ирықәршәо аҳәаақәа ирыҵанакәа ашәҟәы иҭагало аиҿкаарақәа зегьы.
3.Аполитикатәи аекономикатәи реформақәа рымҩаҧгаразы аганқәа иаҧырҵоит изықәныҟәо аполитикатә платформа.
4.Аҧсны Аҳәынҭқарра аргылараҿы атәыла ауажәларратә политика еиҕьызтәуа иактуалтәу азҵаарақәа рыӡбаразы аусмҩаҧгатәқәа раҧҵара.
5. Аиқәшаҳаҭра шьаҭаркхоит иацу аиқшаҳаҭреи апрограммеи анаҭаххо аамҭазы аганқәа ииашаны иазырҧхьаӡозар.

Анапы аҵарыҩуеит:

Аҧсны Акомунисттә партиа
Анапхагаҩ ихаҭыуаҩ Барцыц П.Х.

Ареспубликатә Политикатә партиа
“Аҧсны Акзаара” Шамба С.М.

А8сны Ареспублика аекономика а=иаразы
апартиа Бы0ъба Б.Т.

Аҧсны Жәлар рпартиа Лакоба И.У.

Афганистан еибашьуаз Ап,сны аветеранцәа
Рхеилак Аршба В.Г.

Жәларбжьаратәи аусеицзуратә
Фонд П,иҧиа В.А.